Сьвяткаваньне 25-га сакавіка ў Атаве

Беларусы Атавы правялі ўрачыстую вечарыну, прысьвечаную Дню Абвяшчэньня Беларускай Народнай Рэспублікі. 

 

У залі Атаўскай мэрыі сабралася каля 70 чалавек, каб са сьвяточным настроем выказаць сваю падтрымку ідэям незалежнай і дэмакратычнай Беларусі, якія былі абвешчаны ў далёкім 1918 годзе, але па сеняшні дзень застаюцца актуальнымі і нявырашанымі. З прывітальным словам выступіла спадарыня Івонка Сурвіла, якая павіншавала прысутных з   нашым  вялікім нацыянальным сьвятам - Днём  Волі. 

 

У сьвяткаваньні прынялі ўдзел госьці з Таронта на чале са Старшынёй Згуртаваньня Беларусаў Канады спадаром Зьмітерам Еляшэвічам, які шчыра павіншаваў усіх прысутных з гістарычным Беларускім сьвятамі. На сьвяткаваньні выступіла таксама Оttawa City Councillor спадарыня Maria McRay, якая выказала салідарнасьць з беларусамі, якія змагаюцца за незалежнае й дэмакратычнае жыццё. Апошнія падзеі на Беларусі вельмі актыўна абмярковываліся ўдзельнікамі сустрэчы.   

 

 

Аттава, сакавік 2006 года 

Прыемныя й шчырыя віншаваньні былі выказаны спадарыні Івонке Сурвіле, якой у красавіку гэтага году спаўняецца 70 год. Сьвяткаваньне ўпрыгожыў фальклёрны гурт 'Яваровыя людзі', які з вытанчаным густам сьпяваў беларускія народныя песьні. Вечарына завяршылася выкананьнем канадыйскага гімна 'О Canada' й беларускага 'Мы выйдзем шчыльнымі радамі'.

 Удзельнікі сьвяточнай вечарыны ( калі ласка карыстайцеся гарызантальным скролінгам вашага камп'ютэра каб убачыць усё фота)